Астанада Ardingly Astana халықаралық мектебінің жаңа кампусы ашылды
Астана қаласында Ardingly Astana халықаралық мектебінің жаңа кампусы ашылды. Аталған оқу орны Primus Capital компаниясының еншілес ұйымы Primus Education мен британдық Ardingly College серіктестігі аясында құрылған.
Жаңа кампус – Primus Capital компаниясының заманауи оқу ортасын дамытуға және Қазақстанда халықаралық білім алу мүмкіндіктерін кеңейтуге бағытталған кезекті жобасы.
Кампус 3,2 гектар аумақты қамтиды және 1 000 оқушыға есептелген. Жобаны әзірлеу барысында академиялық даярлық, тәжірибе жүзінде білім беру мен балалардың жан-жақты дамуын қамтамасыз ететін заманауи оқу ортасын құруға ерекше көңіл бөлінді.
Кампус заманауи оқу сыныптары, арнайы STREAM-зертханалары, кітапхана, ұзындығы 25 метрлік бассейн, спорт залдары, театр, музыка және би студиялары, сондай-ақ, өнер және дизайн шеберханаларымен жабдықталған. Мектеп аумағында ашық спорт алаңдары мен оқушылардың демалуына арналған орындар да қарастырылған.
Кампустың жаңа мүмкіндіктері оқу және сабақтан тыс бағдарламаларды кеңейтуге мүмкіндік береді. Бұл оқушылардың академиялық білімін жетілдіруге, зерттеу жүргізу және шығармашылық қабілеттерін шыңдауға, сондай-ақ, физикалық тұрғыдан дамуына қолайлы жағдай жасайды.
Астанадағы жаңа кампуспен танысқан Ardingly College International оқу орнының (Ұлыбритания) директоры Джейми Лардж мұндағы заманауи оқу ортасына жоғары баға беріп, британдық колледж бен Қазақстандағы мектеп арасындағы тығыз байланысты атап өтті.
«Осында келіп, Астанадағы жаңа кампусты тамашалау - мен үшін үлкен қуаныш. Ғимараттың жарыққа толы келбеті мен ерекше атмосферасы шынымен де таңғалдырады. Біз Астанадағы серіктес мектебімізбен тығыз байланыста жұмыс істейміз. Мектеп кеңесінің жұмысына қатысып, оның басшылығымен апта сайын кездесулер өткіземіз. Онда оқыту, білім беру, тәрбие жұмысы және сыныптан тыс бағдарламаларға қатысты мәселелерді талқылаймыз. Біздің ынтымақтастығымыздың басты арқауы – Ardingly Astana мен Ұлыбританиядағы Ardingly College оқу орындарын байланыстыратын World Ready философиясы», деп атап өтті Ardingly College International директоры Джейми Лардж.
