Ardingly Astana халықаралық білім жүйесін дамытуға қосқан үлесі үшін марапатталды
Ardingly Astana мектебі Қазақстанда халықаралық білім саласын дамытуға қосқан үлесі үшін марапатқа ие болды. Аталған рәсім Шымкент қаласында өткен IX Kazakhstan Global Investment Roundtable шарасы аясында ұйымдастырылды.
Марапатты Қазақстан Республикасы Премьер-министрі Олжас Бектенов Primus Education компаниясының президенті әрі Ardingly Astana қамқоршылық кеңесінің төрағасы Алистер Бартоломьюге табыстады. Алистер Бартоломью өз сөзінде мектеп директоры Даррен Джонс пен Ardingly Astana командасының соңғы үш жыл ішінде мектепті дамытуға қосқан үлесін атап өтті. Ол бұл марапаттың Ardingly Astana, Primus Education және Primus Capital үшін айрықша екенін, сондай-ақ, оқу орнының жеткен жетістіктерін мақтан тұтатынын жеткізді.
Ardingly Astana британдық Ardingly College оқу орнымен серіктестік аясында, Primus Education ұйымының қатысуымен құрылған. Мектеп британдық білім беру дәстүрі мен халықаралық оқыту тәсілін үйлестіре отырып, оқушылардың академиялық жетістіктерімен қатар, олардың жан-жақты дамуына да ерекше көңіл бөледі.
Бұл марапат Ardingly Astana мектебін құруға және дамытуға атсалысқан бүкіл ұжымның еңбегіне берілген үздік баға болды.
