Оқытушылар құрамы

Эшли Аткинсон

Бастауыш мектеп мұғалімі

Эшли Аткинсон – мектепке дейінгі және халықаралық білім беру салаларында мол тәжірибесі бар бастауыш мектеп мұғалімі. Ол 10 жылдан астам уақыт бойы білім саласында жұмыс істеп келеді, оның ішінде, 2 жыл бойы бастауыш мектепті басқарған.

Эшли мектепке дейінгі білім беру саласы бойынша бакалавр дәрежесіне және білім беру (көшбасшылық және басқару) бағыты бойынша магистр дәрежесіне ие. Ол халықаралық оқу бағдарламалары мен бастауыш мектеп жұмысын ұйымдастыруға маманданған, жоғары сапалы білім беруді және әрбір оқушыға жан-жақты қолдау көрсетуді қамтамасыз етеді.

Родерик Коул

Бастауыш мектеп мұғалімі

Родерик Коул Роберт Гордон университетін «Қолданбалы әлеуметтік ғылымдар» мамандығы бойынша үздік тәмамдап, кейін, Данди университетінде PGDE педагогикалық біліктілігін (бастауыш білім) алған.

Ол Шотландиядағы ең ірі бастауыш мектептердің бірі – Dunbar Primary School мектебінде бір жылдық педагогикалық тәжірибеден өтіп, Шотландияның Бас педагогикалық кеңесі (General Teaching Council for Scotland) мойындаған мұғалім біліктілігіне ие болған.

Қазіргі уақытта, Родерик Ardingly Astana мектебінде бастауыш мектеп мұғалімі болып жұмыс істейді. Ол оқушылардың өзіне сенімді, дербес тұлға болып қалыптасуына ықпал ететін қолдаушы әрі жүйелі білім беру ортасын қалыптастыруда.

Дженни Стоун

Бастауыш мектеп мұғалімі

Дэвид Роуз

Бастауыш мектеп мұғалімі

Дэвид Роуз Лондон университетінің үздік дипломды бакалавры және Ноттингем университетінің магистрі. Сонымен қатар, ол PGCE педагогикалық біліктілігіне ие. Ол 8 жылдан астам уақыт бойы халықаралық мектептерде қызмет еткен.

Ardingly Astana мектебінде 3-сынып оқушыларына сабақ береді. Ол негізгі пәндер бойынша мықты білім негізін қалыптастыруға, оқу сауаттылығы мен математикалық дағдыларды дамытуға және оқушыға бағдарланған қызықты сабақтар өткізуге ерекше көңіл бөледі.

Сабрина Ратнам

Бастауыш мектеп мұғалімі

Сабрина Ратнам – білім беру саласында магистр дәрежесіне ие тәжірибелі бастауыш мектеп мұғалімі. Қазіргі уақытта, ол педагогика бағыты бойынша докторантурада білімін жалғастыруда. Ол Малайзия, Ресей, Қырғызстан және Өзбекстандағы халықаралық мектептерде жұмыс істеген.

Ardingly Astana мектебінде 4-сыныпқа сабақ береді. Сабақ барысында ол дайындық деңгейі әртүрлі оқушыларды қолдап, балалардың өзіне деген сенімі мен білуге құштарлығын дамытуға және әлеуетін толық ашуға мүмкіндік беретін инклюзивті әрі қызықты білім беру ортасын қалыптастырады.

Грэм МакКлаймонт

Бастауыш мектеп мұғалімі

Грэм МакКлаймонт – Еуропа, Таяу Шығыс, Африка және Азия елдерінде 38 жылдан астам еңбек өтілі бар тәжірибелі бастауыш мектеп мұғалімі.

Ол Глазго университетінде (University of Glasgow) зоология мамандығы бойынша үздік бакалавр дәрежесін алған. Сондай-ақ, Данди университетінде (University of Dundee) бастауыш білім беру саласы бойынша PGCE педагогикалық біліктілігін және білім беру саласының дипломын иеленген.

Көпжылдық қызметі барысында, Грэм үлкен халықаралық тәжірибе жинақтап, әртүрлі білім беру жүйелеріндегі бастауыш білімнің ерекшеліктерін терең меңгерген.

Ardingly Astana мектебінде ол 5-сыныпқа сабақ беріп, оқушылардың берік академиялық негіз қалыптастыруына, өзіне деген сенімін арттыруына, дербестігін дамытуына және білім алуға деген қызығушылығын нығайтуына көмектеседі.

Эндрю Стоукс

Бастауыш мектеп мұғалімі

Эндрю Стоукс – білім беру саласында 15 жылдан астам тәжірибесі бар білікті маман. Ол даярлық сыныбынан (Reception) бастап, 7-сыныпқа дейінгі оқушыларға сабақ берген, сондай-ақ, мектептің әртүрлі сыныптарында музыка пәнін оқытқан.

Эндрю PGCE (Postgraduate Certificate in Education) педагогикалық біліктілігіне ие және бастауыш, төменгі және орта мектеп деңгейлерінде жұмыс істеген.

Ол білім беру барысында өзінің икемділігімен және шығармашылық тәсілімен ерекшеленеді, әр оқу кезеңінде оқушылардың академиялық жетістіктері мен тұлғалық дамуына қолдау көрсетіп отырады.

Саманта Роулингс

Бастауыш мектеп мұғалімі

Саманта Роулингс – Ұлыбританияда және халықаралық мектептерде 18 жылдан астам еңбек өтілі бар тәжірибелі педагог.

Ол Нортгемптон университетінде бастауыш білім беру саласы бойынша үздік дипломмен бакалавр дәрежесін және білікті мұғалім (QTS) мәртебесін алған. Саманта бастауыш мектептің бірінші және екінші сатыларында (Key Stages 1-2) сабақ беріп, параллель сыныптар жетекшісі және бағалау жөніндегі үйлестіруші қызметтерін атқарған.

Ardingly Astana мектебіне келгенге дейін, ол халықаралық британдық Modern English School Cairo мектебінде жұмыс істеді. Онда педагогтер командаларын басқарып, әріптестерінің кәсіби дамуына ықпал етті және білім беру сапасының жоғары деңгейде болуын қамтамасыз етті.

Саманта балалардың өзіне деген сенімділігін, қызығушылығын және білім алуға деген ынтасын дамытуға көмектесетін қолайлы әрі инклюзивті орта қалыптастырады.

Кристин Маклин

Бастауыш мектеп мұғалімі

Кристин Маклин – Ұлыбританияда және халықаралық мектептерде жұмыс тәжірибесі бар білікті маман.

Ол Абердин университетінде педагогикалық PGDE біліктілігін және психология саласы бойынша үздік дипломмен магистр дәрежесін алған. Оның академиялық дайындығы балалардың оқу және даму ерекшеліктерін терең түсінуіне көмектеседі.

Кристин бастауыш мектептің бірінші және екінші сатыларында (Key Stages 1-2) сабақ берген, сондай-ақ, бастауыш мектепте оқу үдерісін қолдау жөніндегі үйлестіруші болып жұмыс істеген.

Ол оқушылар өз идеяларын сенімді түрде білдіруге, дербестік танытуға, қызығушылық пен табандылық көрсетуге үйренетін қызықты білім беру ортасын қалыптастырады.

Дэниел Сабертон

Бастауыш мектеп мұғалімі

Дэниел Сабертон – халықаралық мектептерде жеті жылдық жұмыс тәжірибесі бар білікті бастауыш сынып мұғалімі.

Ол Глостершир университетінде бастауыш білім беру саласы бойынша педагогикалық PGCE біліктілігін және білікті мұғалім (QTS) мәртебесін, сондай-ақ, Суонси университетінде Ежелгі тарих және классикалық мәдениет мамандығы бойынша магистр дәрежесін алған.

Ardingly Astana мектебіне келгенге дейін, Дэниел Modern English School Cairo мектебінде бастауыш мектептің бірінші және екінші сатыларында (Key Stages 1-2) сабақ беріп, сабақтан тыс іс-шараларға жетекшілік еткен.

Ол оқушылардың қызығушылығын оятуға, олардың дербестігін дамытуға және білім алуға деген оң көзқарасын қалыптастыруға ұмтылады.

Рэйчел Мурхаус

Бастауыш мектеп мұғалімі

Рэйчел Мурхаус – жаратылыстану ғылымдарына маманданған білікті бастауыш сынып мұғалімі.

Ол Бат-Спа университетінде бастауыш білім беру саласы бойынша педагогикалық PGCE біліктілігін және Плимут университетінде теңіз биологиясы және жағалау аймақтарының экологиясы мамандығы бойынша бакалавр дәрежесін алған. Қазіргі уақытта Рэйчел ерекше білім беру қажеттіліктері бар оқушыларды қолдау жөніндегі үйлестірушілерге арналған кәсіби даярлық бағдарламасынан (NPQ SENDCO) өтуде.

Ол Ұлыбританияда және халықаралық мектептерде жұмыс істеп, бастауыш мектептің жоғары сыныптары мен орта мектептің төменгі сыныптарында сабақ берген.

Рэйчел инклюзивті білім беруге және әр оқушыға жеке қолдау көрсетуге ерекше мән береді. Ол әр баланың өз әлеуетін толық ашуына көмектесуге ұмтылады.

Филип Робинсон

Математика пәнінің мұғалімі

Филип Робинсон – халықаралық мектептерде 20 жылдан астам жұмыс тәжірибесі бар математика пәнінің мұғалімі.

Ол оқушылардың өзіне деген сенімін қалыптастыруға, есеп шығару дағдыларын дамытуға және математикалық ұғымдарды терең түсінуіне көмектеседі.

Филип азаматтық және құрылыс инженериясы саласы бойынша үздік бакалавр дәрежесіне ие және Бат университетінде (University of Bath) педагогикалық даярлықтан өткен. Бұл оған оқыту барысында практикалық әрі аналитикалық тәсілді қолдануға мүмкіндік береді.

Дэвид Макколган

Математика пәнінің мұғалімі

Дэвид Макколган – Ұлыбританияда және халықаралық мектептерде 20 жылдан астам жұмыс тәжірибесі бар математика мұғалімі.

Ол Стратклайд университетінде (University of Strathclyde) жаратылыстану ғылымдары бойынша бакалавр дәрежесін және педагогикалық PGCE біліктілігін алған. Дэвид Шотландияда, Гватемалада, Румынияда және Қытайда сабақ берген.

Өзінің еңбек жолында ол әртүрлі білім беру бағдарламаларымен жұмыс істеген, соның ішінде, Шотландия ұлттық бағдарламасы, Cambridge IGCSE, математика бойынша A Level бағдарламасы және америкалық Common Core бағдарламасы. Дэвид, сонымен қатар, Шотландияның Біліктіліктер басқармасында емтихан қабылдаушы болып жұмыс істеген, математикалық олимпиадалар мен қосымша білім беру бағдарламаларын ұйымдастырған.

Ол оқушыларға өз білімдеріне деген сенімділікті арттыруға, логикалық ойлау қабілетін дамытуға және математиканы терең түсінуге көмектесуге ұмтылады.

Шэрон Мейкпис

Ағылшын тілі және ағылшын тілін қосымша тіл ретінде оқыту (EAL) бағытының жетекшісі

Шэрон Мейкпис – Ұлыбританияда және халықаралық мектептерде жұмыс тәжірибесі бар британдық ағылшын тілі мен әдебиеті мұғалімі.

Ол Камбрия университетінде педагогикалық PGCE біліктілігін және білікті мұғалім (QTS) мәртебесін, сондай-ақ, Глазгодағы Каледон университетінде медиа және коммуникациялар саласы бойынша бакалавр дәрежесін алған.

Ardingly Astana мектебіне келгенге дейін, Шэрон Кембридж бағдарламасы бойынша ағылшын тілі мен әдебиетін оқытып, оқушыларды IGCSE емтихандарына дайындаған және орта мектептің үшінші және төртінші сатыларында (Key Stages 3-4) сабақ берген.

Педагогикалық қызметін бастамас бұрын, ол 20 жылдан астам уақыт коммуникациялар және қоғаммен байланыс саласында жұмыс істеген. Бұл тәжірибе оған оқушылардың қарым-қатынас жасау, талдау және жазбаша сөйлеу дағдыларын дамытуға көмектеседі.

Дэвид Кокс

Ағылшын тілі мен әдебиеті пәнінің мұғалімі

Дэвид Кокс – Ұлыбританияда және халықаралық мектептерде 15 жылдан астам жұмыс тәжірибесі бар тәжірибелі ағылшын тілі мен әдебиеті мұғалімі.

Ол Кингстон университетінде ағылшын әдебиеті мамандығы бойынша үздік дипломмен бакалавр дәрежесін және Вустер университетінің орта мектебінде ағылшын тілін оқыту бағыты бойынша педагогикалық PGCE біліктілігін алған. Қазіргі уақытта Дэвид Рексем университетінде «Білім және көшбасшылық» бағыты бойынша магистратурада оқуын аяқтауда.

Дэвид 3-5-кезеңдерде (Key Stages 3-5) ағылшын тілі мен әдебиетін оқытқан және оқушыларды Cambridge IGCSE емтихандарына дайындауда мол тәжірибеге ие. Ол Harrow Beijing, Кувейттегі New English School, British School Warsaw мектептерінде, сондай-ақ, Ұлыбритания мен Кувейттегі басқа да мектептерде жұмыс істеген.

Дэвид оқу бағдарламаларын әзірлеген, британдық білім беру жүйесінің 11-сыныбындағы оқу үдерісіне жетекшілік еткен, ағылшын тілі ана тілі болып табылмайтын оқушыларға қолдау көрсеткен. Сондай-ақ, жақында өткізілген сабағына жасалған кәсіби бақылау қорытындысы бойынша ең жоғары баға алған.

Әсия Балымова

Ағылшын тілі қосымша тіл ретінде (EAL) пәнінің мұғалімі

Әсия Балымова Ardingly Astana мектебінде ағылшын тілін қосымша тіл ретінде (EAL) оқытады. Ол Haileybury Astana мектебімен қоса, бірқатар халықаралық мектептерде сабақ берген.

Әсия Сандерленд университетінің (University of Sunderland) білім беру саласы бойынша магистр дәрежесіне және ағылшын филологиясы мамандығы бойынша бакалавр дәрежесіне ие.

Ол ағылшын тілі ана тілі болып табылмайтын оқушылармен жұмыс істеп, оқу барысында және күнделікті мектеп өмірінде олардың ағылшын тілін сенімді қолдануына көмектеседі. Әсия халықаралық бағдарлама бойынша табысты білім алуға қажетті тілдік дағдыларды дамытуға ерекше көңіл бөледі.

Байдәулет Қасымбеков

Ағылшын тілі қосымша тіл ретінде (EAL) пәнінің мұғалімі

Байдәулет Қасымбеков – ағылшын тілін қосымша тіл ретінде (EAL) оқытатын, халықаралық білім беру саласында 16 жылдан астам тәжірибесі бар маман. Әр жылдары Haileybury Almaty, QSI және Британдық кеңес (British Council) сияқты жетекші халықаралық мектептер мен білім беру ұйымдарында жұмыс істеген.

Ол Назарбаев Университетінде білім беру көшбасшылығы бағыты бойынша магистр дәрежесін алған және ағылшын тілі мұғалімдеріне арналған халықаралық CELTA біліктілігіне ие.

Ardingly Astana мектебінде Байдәулет оқушылардың тілдік дағдыларын дамытуға және ағылшын тілін оқу барысында сенімді қолдануына көмектеседі. Сонымен қатар, халықаралық білім беру саласындағы көпжылдық тәжірибесіне сүйене отырып, оқу бағдарламаларын әзірлеуге қатысады.

Мәриям Камеденова

Ағылшын тілі қосымша тіл ретінде (EAL) пәнінің мұғалімі

Мәриям Камеденова Ardingly Astana мектебінде ағылшын тілін қосымша тіл ретінде (EAL) оқытады. Ол жоғары сынып оқушыларына халықаралық бағдарлама бойынша табысты білім алуға қажетті академиялық ағылшын тілі дағдыларын дамытуға көмектеседі.

Мәриям Абай атындағы Қазақ ұлттық педагогикалық университетінде шетел тілдері мамандығы бойынша бакалавр дәрежесін алған. Сондай-ақ, Назарбаев Университетінің Жоғары білім беру мектебінде көптілді білім беру бағыты бойынша магистр дәрежесін тәмамдаған.

Көптілді білім беру саласындағы білімі мен тәжірибесіне сүйене отырып, ол оқушылардың ағылшын тілін оқу үдерісінде сенімді қолдануына және халықаралық білім беру ортасында табысты дамуына көмектеседі.

Ольга Руданова

Ағылшын тілін қосымша тіл ретінде оқыту (EAL) пәнінің мұғалімі

Ольга Руданова – балалармен және ересектермен 10 жылдан астам жұмыс тәжірибесі бар тәжірибелі ағылшын тілі мұғалімі.

Ол Астана халықаралық университетінде педагогика ғылымдары бойынша магистр дәрежесін және Еуразия гуманитарлық институтында шетел тілдері және аударма ісі саласы бойынша бакалавр дәрежесін алған.

Ольганың бастауыш сынып оқушыларына қолдау көрсету және мектептер мен мектепке дейінгі білім беру ұйымдарында ағылшын тілін оқыту саласында мол тәжірибесі бар. Ardingly Astana мектебінде ол бастауыш сынып оқушыларымен жұмыс істеп, Little Wandle Phonics бағдарламасы бойынша олардың оқу және сөйлеу дағдыларын дамытуда.

Сондай-ақ, Ольга 120 сағаттық халықаралық TESOL/TEFL біліктілігіне ие және ағылшын тілін бастапқы деңгейден жоғары деңгейге дейін оқыту тәжірибесі бар.

Айжан Дәулетали

Ағылшын тілін қосымша тіл ретінде оқыту (EAL) пәнінің мұғалімі

Айжан Дәулетали – әртүрлі жастағы және дайындық деңгейіндегі оқушылармен сегіз жылдан астам уақыт бойы жұмыс істеп келе жатқан ағылшын тілі пәнінің мұғалімі.

Ол ағылшын тілін шет тілі ретінде және академиялық мақсатта оқытуға, IELTS емтиханына дайындауға, оқу бағдарламаларын әзірлеуге және педагогтерді оқытуға маманданған.

Айжан мектептер мен тіл орталықтарында ағылшын тілінен сабақ беріп, жеке оқушылармен және шағын топтармен жұмыс істеген. Сонымен қатар, оқу материалдарын әзірлеп, басқа мұғалімдерге әдістемелік қолдау көрсеткен.

Ол өзінің кәсіби біліктілігін арттыру мақсатында, The Bell Foundation ұйымының EAL оқушыларының білімін бағалау жөніндегі курстарынан өткен және қазіргі сәтте, Аризона штаты университетінің (Arizona State University) TESOL сертификаттық бағдарламасын аяқтауда.

Шагуфта Хан

Жаратылыстану пәнінің мұғалімі, Key Stage 3 негізгі кезеңінің жетекшісі

Шагуфта Хан – Қазақстандағы халықаралық мектептерде 11 жылдан астам тәжірибесі бар тәжірибелі педагог әрі басшы.

Ол Ұлыбританияның білікті мұғалімі, биохимия мамандығы бойынша жоғары дәрежеге және Рохэмптон университетінің (University of Roehampton) білім беру көшбасшылығы бағыты бойынша магистр дәрежесіне ие.

Ardingly Astana мектебінде Шагуфта Key Stage 3 кезеңіне (7-9 сыныптар) жетекшілік етеді және жаратылыстану пәнінен сабақ береді. Ол орта мектеп оқушыларының академиялық және тәрбиелік дамуына жауап беріп, олардың табысты білім алуына жағдай жасайды.

Шагуфта оқушылардың білуге құштарлығын, аналитикалық ойлау қабілетін және пәнді терең түсінуін дамытуға ерекше көңіл бөледі. Сонымен қатар, әрбір баланың өз әлеуетін аша алатын қолдаушы әрі инклюзивті білім беру ортасын қалыптастыруға ұмтылады.

Зои Грейнджер

Гуманитарлық пәндер мұғалімі

Зои Грейнджер – дінтану, философия және этика, әлеуметтану, тарих және саясат салаларына маманданған тәжірибелі гуманитарлық пәндер мұғалімі.

Ол Кембридж университетін бірінші дәрежелі үздік дипломмен тәмамдап, теология, дінтану және дін философиясы бағыты бойынша бакалавр дәрежесін алған. Сол университетте Зои педагогикалық PGCE біліктілігін және білім беру саласы бойынша магистр дәрежесін де алған.

Ол 3–5-кезеңдерде (Key Stages 3-5) сабақ берген және Лондондағы Parliament Hill School мектебінде гуманитарлық ғылымдар бағытының жетекшісі және кафедра меңгерушісі басшылық қызметтерін атқарған.

Зои оқу бағдарламаларын әзірлеген, көптілді оқушылар мен ерекше білім беру қажеттіліктері бар балаларға қолдау көрсеткен, педагогтерге тәлімгерлік жасаған, сондай-ақ, Оксфорд пен Кембридж университеттеріне түсуге дайындық бағдарламасын әзірлеген.

Мэтью Робертс

Тарих, бизнес және экономика пәнінің мұғалімі

Мэтью Робертс – тарих, бизнес және экономика пәндерінен сабақ беретін тәжірибелі мұғалім.

Ол Лондон университеттік колледжінде (UCL) озық педагогикалық тәжірибе саласы бойынша магистр дәрежесін, педагогикалық PGCE біліктілігін және білікті мұғалім (QTS) мәртебесін алған.

Мэтью Ұлыбритания, Оман және Перудегі жетекші мектептерде жұмыс істеп, Cambridge IGCSE, IB және A Level бағдарламалары бойынша сабақ берген.

Ол гуманитарлық пәндер және IGCSE бағдарламасының үйлестірушісі, мектеп үйінің жетекшісі, сондай-ақ, университет пен мамандық таңдауға бағыт-бағдар беретін кеңесші қызметтерін атқарған. Мэтью оқушылардың сыни ойлау қабілетін, академиялық қызығушылығын дамытуға және әрі қарайғы білім алуға дайындалуына көмектеседі.

Майра Берлибаева

Қазақстан тарихы пәнінің мұғалімі

Нұрлан Есқалиев

STEM бағытының жетекшісі

Нұрлан Есқалиев – Haileybury Almaty мектебінде 10 жылдан астам жұмыс тәжірибесі бар білім беру жобаларының тәжірибелі жетекшісі және STEM пәнінің оқытушысы.

Ол әл-Фараби атындағы Қазақ ұлттық университетінде математикалық және компьютерлік модельдеу бағыты бойынша инженерлік ғылымдар магистрі дәрежесін, Сандерленд университетінде педагогика бакалавры дәрежесін және халықаралық IPGCE педагогикалық біліктілігін алған.

Нұрлан STEAM, робототехника, жасанды интеллект және информатика салаларындағы жобаларға жетекшілік еткен. Ол робототехника зертханасы мен мейкерспейсті әзірлеп, іске қосқан, сондай-ақ, жасанды интеллект пен робототехниканы мектеп бағдарламасына енгізген.

Нұрлан робототехника бойынша халықаралық жарыстар ұйымдастырған, робототехника, ұшқышсыз ұшу аппараттары және авиамодельдеу бағыттары бойынша бағдарламалар әзірлеген, сондай-ақ, жетекші университеттермен және білім беру ұйымдарымен серіктестікті дамытқан.

Элисон Поллард

АКТ және информатика пәнінің мұғалімі

Элисон Поллард – Ұлыбритания, Ресей, Швеция және Қазақстанда 10 жылдан астам халықаралық педагогикалық тәжірибесі бар маман.

Ardingly Astana мектебінде информатика пәнінен сабақ береді. Өз жұмысында оқушылардың цифрлық сауаттылығын, шығармашылық қабілеттерін және технологиялармен жұмыс істеу сенімділігін дамытуға көмектеседі.

Элисон Эдж Хилл университетінде (Edge Hill University) ағылшын тілі бағыты бойынша бастауыш білім беру мамандығын тәмамдап, білікті мұғалім мәртебесін алған.

Сонымен қатар, ол педагогикалық және басқарушылық дағдыларды жетілдіруге бағытталған британдық (NPQ) кәсіби даму бағдарламасы бойынша білімін жалғастыруда.

Хелайна Уитем

Бейнелеу өнері және дизайн пәнінің мұғалімі

Хелайна Уитем – Ardingly Astana мектебінің бейнелеу өнері және дизайн пәнінің мұғалімі. Ол Борнмут өнер университетінде (Arts University Bournemouth) бейнелеу өнері мамандығы бойынша білім алған. Оның мамандандығы – заманауи көркемдік тәжірибе, сыни ойлауды дамыту және әртүрлі визуалды техникалармен жұмыс істеу.

Хелайна өз сабақтарында оқушыға бағытталған қызықты әдістерді қолданады. Ол балалардың шығармашылық қабілеттерін, техникалық дағдыларын және өз жұмыстарын талдай білу қабілетін дамытады. Жас суретшілерді қолдап, әр оқушы өзін еркін көрсете алатын және жеке көркемдік стилін дамыта алатын сенімді орта қалыптастыруға ұмтылады.

Диана Жалмұхамбетова

Бейнелеу өнері және дизайн пәнінің мұғалімі

Диана Жалмұхамбетова – бейнелеу өнері және өнер тарихы саласында кәсіби білімі бар өнер пәнінің мұғалімі. Ол Қазақ ұлттық өнер университетінде кескіндеме мамандығы бойынша бакалавр дәрежесін және Глазго университетінде өнер тарихы бойынша MLitt дәрежесін алған.

Диана өнер саласында оқушылармен жұмыс істеп, олардың оқу тапсырмаларын орындауына қолдау көрсеткен, портфолио дайындауға көмектескен және мектеп көрмелерін ұйымдастыруға атсалысқан. Мұнымен қоса, ол кескіндеме пәнінің мұғалімі, кітап иллюстраторы және 2D-аниматор болып жұмыс істеген, сондай-ақ Қазақстандағы көркемөнер көрмелері мен шығармашылық жобаларға қатысқан.

Росс Кларк

Музыка пәнінің мұғалімі

Росс Кларк – Ұлыбритания, Қазақстан, Польша және Камбоджада жұмыс тәжірибесі бар музыка пәнінің мұғалімі, дирижёр әрі орындаушы.

Ол Гилдхолл музыка және театр мектебінде музыка саласы бойынша бакалавр дәрежесін алып, Ноттингем университетінде халықаралық педагогикалық PGCE біліктілігін үздік дипломмен аяқтаған.

Росс жетекші халықаралық мектептерде музыка кафедраларын, оркестрлер мен хорларды басқарған, сондай-ақ, беделді сахналар мен халықаралық фестивальдерде өнер көрсетуді ұйымдастырған.

Ол Лондон музыкалық колледжінің емтихан қабылдаушысы және оқушыларға халықаралық музыка емтихандарында жоғары нәтижелерге қолжеткізуге көмектеседі.

Әйгерім Мәкібаева

Музыка пәнінің мұғалімі

Әйгерім Мәкібаева – хор жетекшісі, фортепиано және вокал пәндерінің оқытушысы ретінде 10 жылдан астам тәжірибесі бар музыка мұғалімі.

2016 жылы Қазақ ұлттық өнер университетін «Хор дирижерлігі» мамандығы бойынша тәмамдаған. Түрлі жылдары Әйгерім Қазақстанның жетекші мәдени мекемелерімен, соның ішінде, Astana Opera, Ұлттық әскери-патриоттық орталық, Бейбітшілік және келісім сарайымен ынтымақтастықта жұмыс істеген.

Ardingly Astana мектебінде ол оқушылардың шығармашылық қабілеттерін ашуға, өзіне деген сенімділігін, тәртібін және музыкаға деген сүйіспеншілігін дамытуға көмектеседі.

Гүлжан Домаева

Қазақ тілі пәнінің мұғалімі

Гүлжан Домаева – халықаралық білім саласында мол тәжірибесі бар қазақ тілі пәнінің мұғалімі. Ол IB PYP және MYP бағдарламаларымен, сондай-ақ, жобалық оқыту әдістерімен жұмыс істеп, оқушылардың сыни ойлау, шығармашылық және командада жұмыс істеу дағдыларын дамытуға үлес қосқан.

2024 жылдан бастап Ardingly Astana мектебінде қазақ тілінен сабақ береді. Ол сабақ барысында қызықты әрі интерактивті тәсілдерді қолданып, оқушылардың қазақ тілінде еркін сөйлеуіне, сондай-ақ, қазақ халқының мәдениеті мен дәстүрлерін тереңірек түсінуіне көмектеседі.

Гүлжан сабақ барысында қолайлы әрі қолдаушы атмосфера қалыптастырып, балалардың оқу үдерісіне қызығушылықпен қатысуына жағдай жасайды.

Әйгерім Қайырғалиева

Қазақ тілі пәнінің мұғалімі

Әйгерім Қайырғалиева Ardingly Astana мектебінің жоғары сыныптарында қазақ тілінен сабақ береді.

Ол М. Өтемісов атындағы университетте қазақ тілі мен әдебиеті мамандығы бойынша магистр дәрежесін алған және әл-Фараби атындағы Қазақ ұлттық университетінде әдебиеттану мамандығы бойынша PhD дәрежесін алуға үміткер.

Әйгерім мемлекеттік және жекеменшік мектептерде еңбек еткен, сондай-ақ, халықаралық академиялық тағылымдамалардан өткен. Сабақ барысында оқушылардың қазақ тілін сенімді меңгеруіне, мәтіндерді талдау дағдыларын дамытуына және тіл мен әдебиетті тереңірек түсінуіне көмектеседі.

Нұрби Орынбасарова

Қазақ тілі пәнінің мұғалімі

Нұрби Орынбасарова – тіл білімі және тілдерді оқыту әдістемесі саласында мықты академиялық білімі бар қазақ тілі мен әдебиеті пәнінің мұғалімі. Ол Maqsut Narikbayev University оқу орнында «Қазақ және ағылшын тілдері және лингвистика» мамандығы бойынша педагогика бакалавры дәрежесін алған. Сонымен қатар, қазақ тілі мен әдебиеті және ағылшын тілі мұғалімі біліктілігіне ие және TESOL бағдарламасы бойынша білім алған.

Нұрби көптілді халықаралық мектепте қазақ тілі мен әдебиеті пәнін оқытып, қазақ тілі ана тілі болып табылмайтын оқушыларға сабақ берген. Ол сабақтарды оқушылардың дайындық деңгейіне қарай бейімдеп, қызықты оқу материалдарын әзірлей алады. Ол тілдерді оқыту, қолданбалы лингвистика және білім беру барысында технологияларды қолдану мәселелеріне ерекше көңіл бөледі.

Ольга Загородняя

Орыс тілі пәнінің мұғалімі

Ольга Загородняя – халықаралық мектептерде 13 жылдан астам тәжірибесі бар білікті педагог.

Ол ағылшын және неміс тілдері бойынша жоғары білім алған, сондай-ақ, М. В. Ломоносов атындағы Мәскеу мемлекеттік университетінде билингв балаларға орыс тілін оқыту бағдарламасы бойынша кәсіби қайта даярлаудан өткен.

Ольга орыс тілін оқыту әдістемесі саласында біліктілігін тұрақты түрде жетілдіріп отырады және Кембридж университетінде білім алған. Сонымен қатар, ол жасы кіші балаларға ағылшын тілін оқыту TEYL (World TESOL Academy) біліктілігіне ие.

Ол Ardingly Astana мектебінде халықаралық білім саласындағы мол тәжірибесін тиімді түрде қолдануда.

Рустам Кубжанов

Орыс тілі пәнінің мұғалімі

Рустам Кубжанов – халықаралық мектептерде 10 жылдық жұмыс тәжірибесі бар білікті маман. Ол Қостанай мемлекеттік педагогикалық институтында «Шетел тілдері мен мәдениеттерін оқыту теориясы мен әдістемесі», Омбы мемлекеттік педагогикалық университетінде «Білім беру үдерісін басқару», Абай атындағы Қазақ педагогикалық университетінде «Халықаралық қатынастар» және Сорбонна-Қазақстан университетінде «Халықаралық қатынастар» мамандықтары бойынша жоғары білім алған.

Рустам Астанадағы QSI International School мектебінде орыс және француз тілдерінен, сондай-ақ, Miras International School мектебінде француз тілінен сабақ берген. Оның IB PYP, MYP және DP бағдарламалары аясында жұмыс тәжірибесі бар. Ол әртүрлі жастағы және дайындық деңгейіндегі оқушыларға сабақ беріп, олардың академиялық және тілдік дамуына қолдау көрсеткен.

Әсем Тәліпова

Қытай тілі пәнінің мұғалімі

Әсем Тәліпова Ardingly Astana мектебінің бастауыш және орта мектеп оқушыларына қытай тілінен сабақ береді.

Ол білім беру саласында бес жылдан астам тәжірибесі бар маман. Ағылшын және қытай тілдерін шетел тілі ретінде оқытады. Әсем Сиань шетел тілдері университетінде (Xi’an International Studies University) өзге тіл иелеріне қытай тілін оқыту мамандығы бойынша магистр дәрежесін алған. Сонымен қатар, Л. Н. Гумилев атындағы Еуразия ұлттық университетінің бакалавр түлегі.

Педагогикалық қызметімен қатар, оқу бағдарламаларын әзірлеу және заманауи білім беру технологияларын қолдану тәжірибесіне ие. Сабақ барысында оқушылардың тілдік дағдыларын сенімді дамытуына және көптілді білім беру ортасында табысқа жетуіне көмектеседі.

Оразкүл Тунгабаева

Қытай тілі пәнінің мұғалімі

Франсиско Оливейра

Дене шынықтыру пәнінің мұғалімі

Франсиско Оливейра – Еуропадағы, соның ішінде британдық оқу бағдарламасы бойынша білім беретін мектептерде жұмыс істеген, халықаралық тәжірибесі бар дене шынықтыру пәнінің мұғалімі. Ол Бат университетінің Sport and Exercise Science мамандығы бойынша үздік дипломмен бакалавр дәрежесін алған және халықаралық iQTS бағдарламасы арқылы мұғалімнің кәсіби біліктілігіне (QTS) ие.

Франсиско Латвия мен Италиядағы британдық халықаралық мектептерде дене шынықтыру пәнінен сабақ берген, сондай-ақ арнайы білім беру (SEN) ортасында жұмыс істеген. Ол оқытудың инклюзивті тәсілдерін қолдануға, оқушылардың оқу үдерісіне белсенді қатысуына және олардың жан-жақты қолдауына ерекше мән береді. Сонымен қатар, Франсиско – BWF Level 1 бадминтон жаттықтырушысы және бұрын халықаралық деңгейде бадминтонмен айналысқан спортшы. Оның бадминтон, баскетбол, футзал, жүзу және басқа да спорт түрлері бойынша жаттықтыру тәжірибесі бар.

Азамат Сүйіншәлиев

Дене шынықтыру пәнінің мұғалімі

Азамат Сүйіншәлиев – спорт және дене дайындығы саласында мол кәсіби тәжірибесі бар дене шынықтыру пәнінің мұғалімі.

Ол Ш. Есенов атындағы Каспий мемлекеттік технологиялар және инжиниринг университетін тәмамдаған. Азамат каратэден спорт шебері, америкалық футболдан III спорттық разряд иегері және жеке фитнес-нұсқаушы біліктілігіне ие.

Ardingly Astana мектебінде ол оқушылардың салауатты өмір салтын қалыптастыруына, өзіне деген сенімділігін, командалық рухын және қиындықтарға төзімділігін спорт пен дене белсенділігі арқылы дамытуға көмектеседі.

Сонымен қатар, Азамат бейімделген дене шынықтыру және сенсорлық интеграция бағыттары бойынша арнайы даярлықтан өткен. Бұл оған спорт сабақтарында инклюзивті тәсілді тиімді түрде қолдануға мүмкіндік береді.

Любовь Макоско

Дене шынықтыру пәнінің мұғалімі

Любовь Макоско – білім беру және спорт саласында 10 жылдан астам тәжірибесі бар дене шынықтыру пәнінің тәжірибелі мұғалімі әрі жаттықтырушы. Ол Л. Н. Гумилев атындағы Еуразия ұлттық университетінде «Дене шынықтыру және спорт» мамандығы бойынша жоғары білім алған және жоғары санатты жаттықтырушы.

Любовь халықаралық мектепте дене шынықтыру пәнінен сабақ берген. Ол 5-11 сынып оқушыларымен жұмыс істеген, сондай-ақ, IB MYP бағдарламасы бойынша білім алған. Мұнымен қоса, ол көптеген жылдар бойы спорттық бағдарлау бағыты бойынша спортшыларды дайындаумен айналысып келеді. Оның шәкірттерінің арасында Қазақстан Республикасының чемпиондары, республикалық құрама мүшелері және спорт шеберлігіне кандидаттар бар.

Оқытушылар құрамы

Бастауыш мектеп мұғалімдері

Эшли Аткинсон

Родерик Коул

Дженни Стоун

Дэвид Роуз

Сабрина Ратнам

Грэм МакКлаймонт

Эндрю Стоукс

Саманта Роулингс

Кристин Маклин

Дэниел Сабертон

Рэйчел Мурхаус

Орта мектеп командасы және пәндік командалар

Филип Робинсон

Дэвид Макколган

Шэрон Мейкпис

Дэвид Кокс

Әсия Балымова

Байдәулет Қасымбеков

Мәриям Камеденова

Ольга Руданова

Айжан Дәулетали

Шагуфта Хан

Зои Грейнджер

Мэтью Робертс

Майра Берлибаева

Нұрлан Есқалиев

Элисон Поллард

Хелайна Уитем

Диана Жалмұхамбетова

Росс Кларк

Әйгерім Мәкібаева

Гүлжан Домаева

Әйгерім Қайырғалиева

Нұрби Орынбасарова

Ольга Загородняя

Рустам Кубжанов

Әсем Тәліпова

Оразкүл Тунгабаева

Франсиско Оливейра

Азамат Сүйіншәлиев

Любовь Макоско

Эшли Аткинсон

Родерик Коул

Дженни Стоун

Дэвид Роуз

Сабрина Ратнам

Грэм МакКлаймонт

Эндрю Стоукс

Саманта Роулингс

Кристин Маклин

Дэниел Сабертон

Рэйчел Мурхаус

Филип Робинсон

Дэвид Макколган

Шэрон Мейкпис

Дэвид Кокс

Әсия Балымова

Байдәулет Қасымбеков

Мәриям Камеденова

Ольга Руданова

Айжан Дәулетали

Шагуфта Хан

Зои Грейнджер

Мэтью Робертс

Майра Берлибаева

Нұрлан Есқалиев

Элисон Поллард

Хелайна Уитем

Диана Жалмұхамбетова

Росс Кларк

Әйгерім Мәкібаева

Гүлжан Домаева

Әйгерім Қайырғалиева

Нұрби Орынбасарова

Ольга Загородняя

Рустам Кубжанов

Әсем Тәліпова

Оразкүл Тунгабаева